ਬੱਬੂ ਮਾਨ ਦਾ ਅਸਲੀ ਨਾਮ ਤੇਜਿੰਦਰ ਸਿੰਘ ਮਾਨ ਹੈ। ਪੰਜਾਬ ਦੀ ਧਰਤੀ ਨਾਲ ਜੁੜੇ ਇਸ ਕਲਾਕਾਰ ਨੇ ਆਪਣੇ ਕਰੀਅਰ ਦੌਰਾਨ ਗਾਇਕੀ ਦੇ ਨਾਲ-ਨਾਲ ਗੀਤਕਾਰੀ, ਮਿਊਜ਼ਿਕ ਕੰਪੋਜ਼ਿੰਗ ਅਤੇ ਫਿਲਮਾਂ ਵਿੱਚ ਵੀ ਆਪਣੀ ਵੱਖਰੀ ਪਹਿਚਾਣ ਬਣਾਈ।
ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਵਿੱਚ ਜਦੋਂ ਵੀ ਆਪਣੇ ਲਿਖੇ ਗੀਤਾਂ, ਵੱਖਰੀ ਸੋਚ ਅਤੇ ਦਿਲ ਨੂੰ ਛੂਹਣ ਵਾਲੀ ਆਵਾਜ਼ ਦੀ ਗੱਲ ਹੁੰਦੀ ਹੈ ਤਾਂ ਬੱਬੂ ਮਾਨ ਸਾਹਿਬ ਦਾ ਨਾਮ ਬੜੇ ਸਤਿਕਾਰ ਨਾਲ ਲਿਆ ਜਾਂਦਾ ਹੈ। ਆਪਣੀ ਮਿੱਟੀ, ਪੰਜਾਬੀ ਸੱਭਿਆਚਾਰ, ਪਿਆਰ, ਵਿਛੋੜੇ ਅਤੇ ਸਮਾਜਿਕ ਮੁੱਦਿਆਂ ਨੂੰ ਗੀਤਾਂ ਰਾਹੀਂ ਪੇਸ਼ ਕਰਨ ਵਾਲੇ ਬੱਬੂ ਮਾਨ ਨੇ ਸਾਲਾਂ ਤੋਂ ਆਪਣੇ ਪ੍ਰਸ਼ੰਸਕਾਂ ਦੇ ਦਿਲਾਂ ਵਿੱਚ ਇੱਕ ਖਾਸ ਥਾਂ ਬਣਾਈ ਹੋਈ ਹੈ।
1998 ਵਿੱਚ ਆਈ ਪਹਿਲੀ ਐਲਬਮ
ਬੱਬੂ ਮਾਨ ਦੇ ਸ਼ੁਰੂਆਤੀ ਸੰਗੀਤਕ ਸਫ਼ਰ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਦੀ ਪਹਿਲੀ ਐਲਬਮ “Sajjan Rumaal De Geya” ਸਾਲ 1998 ਵਿੱਚ ਆਈ ਸੀ। ਇਹ ਉਹ ਸਮਾਂ ਸੀ ਜਦੋਂ ਬੱਬੂ ਮਾਨ ਪੰਜਾਬੀ ਮਿਊਜ਼ਿਕ ਦੀ ਦੁਨੀਆ ਵਿੱਚ ਆਪਣੀ ਪਹਿਚਾਣ ਬਣਾਉਣ ਲਈ ਅੱਗੇ ਵੱਧ ਰਹੇ ਸਨ।
ਇਸ ਸ਼ੁਰੂਆਤੀ ਦੌਰ ਤੋਂ ਬਾਅਦ ਬੱਬੂ ਮਾਨ ਨੇ ਆਪਣੀ ਗਾਇਕੀ ਅਤੇ ਲਿਖਤ ਨਾਲ ਲਗਾਤਾਰ ਕੰਮ ਕੀਤਾ ਅਤੇ ਆਪਣੇ ਗੀਤਾਂ ਨੂੰ ਹੋਰ ਨਿਖਾਰਿਆ।
1999 ਵਿੱਚ ਆਈ “Tu Meri Miss India”
ਇਸ ਤੋਂ ਬਾਅਦ ਸਾਲ 1999 ਵਿੱਚ ਬੱਬੂ ਮਾਨ ਦੀ ਐਲਬਮ “Tu Meri Miss India” ਰਿਲੀਜ਼ ਹੋਈ। ਇਸ ਐਲਬਮ ਨੇ ਬੱਬੂ ਮਾਨ ਨੂੰ ਪੰਜਾਬੀ ਸੰਗੀਤ ਪ੍ਰੇਮੀਆਂ ਵਿੱਚ ਹੋਰ ਵੱਡੀ ਪਹਿਚਾਣ ਦਿਵਾਈ।
ਇਸ ਤੋਂ ਬਾਅਦ ਆਉਣ ਵਾਲੇ ਸਮੇਂ ਵਿੱਚ ਬੱਬੂ ਮਾਨ ਨੇ ਇੱਕ ਤੋਂ ਬਾਅਦ ਇੱਕ ਕਈ ਯਾਦਗਾਰ ਗੀਤ ਅਤੇ ਐਲਬਮਾਂ ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਨੂੰ ਦਿੱਤੀਆਂ। ਉਨ੍ਹਾਂ ਦੀ ਖਾਸ ਗੱਲ ਇਹ ਰਹੀ ਕਿ ਉਨ੍ਹਾਂ ਦੇ ਗੀਤ ਸਿਰਫ਼ ਮਨੋਰੰਜਨ ਤੱਕ ਸੀਮਿਤ ਨਹੀਂ ਰਹੇ, ਸਗੋਂ ਪੰਜਾਬ ਦੀ ਮਿੱਟੀ, ਪਿੰਡਾਂ ਦੀ ਜ਼ਿੰਦਗੀ, ਪਿਆਰ, ਦਰਦ ਅਤੇ ਸਮਾਜ ਦੀਆਂ ਅਸਲ ਗੱਲਾਂ ਨਾਲ ਵੀ ਜੁੜੇ ਰਹੇ।
ਪਰ ਬੱਬੂ ਮਾਨ ਦਾ ਸਭ ਤੋਂ ਪਹਿਲਾ ਗੀਤ ਕਿਹੜਾ ਸੀ?
ਇਹ ਸਵਾਲ ਅੱਜ ਵੀ ਬੱਬੂ ਮਾਨ ਦੇ ਪੁਰਾਣੇ ਅਤੇ ਸੱਚੇ ਪ੍ਰਸ਼ੰਸਕਾਂ ਵਿਚਾਲੇ ਕਾਫ਼ੀ ਚਰਚਾ ਦਾ ਵਿਸ਼ਾ ਰਹਿੰਦਾ ਹੈ। ਬਹੁਤ ਸਾਰੇ ਪੁਰਾਣੇ ਮਾਨ ਪ੍ਰੇਮੀਆਂ ਮੁਤਾਬਕ ਬੱਬੂ ਮਾਨ ਦਾ ਸਭ ਤੋਂ ਪਹਿਲਾ ਗਾਇਆ ਹੋਇਆ ਗੀਤ “ਤੁਰ ਪਰਦੇਸ ਗਿਉਂ” ਸੀ।
ਹਾਲਾਂਕਿ ਬੱਬੂ ਮਾਨ ਦੇ ਕਰੀਅਰ ਦੀਆਂ ਸ਼ੁਰੂਆਤੀ ਰਿਕਾਰਡਿੰਗਾਂ ਅਤੇ ਐਲਬਮਾਂ ਬਾਰੇ ਵੱਖ-ਵੱਖ ਥਾਵਾਂ ‘ਤੇ ਵੱਖਰੀ ਜਾਣਕਾਰੀ ਮਿਲਦੀ ਹੈ, ਪਰ ਪੁਰਾਣੇ ਪ੍ਰਸ਼ੰਸਕਾਂ ਵਿੱਚ “ਤੁਰ ਪਰਦੇਸ ਗਿਉਂ” ਨੂੰ ਉਨ੍ਹਾਂ ਦੇ ਸਭ ਤੋਂ ਪਹਿਲੇ ਗੀਤ ਵਜੋਂ ਯਾਦ ਕੀਤਾ ਜਾਂਦਾ ਹੈ।
ਅੱਜ ਬੱਬੂ ਮਾਨ ਸਿਰਫ਼ ਇੱਕ ਗਾਇਕ ਦਾ ਨਾਮ ਨਹੀਂ, ਸਗੋਂ ਪੰਜਾਬੀ ਮਿਊਜ਼ਿਕ ਦੀ ਇੱਕ ਵੱਖਰੀ ਪਹਿਚਾਣ ਬਣ ਚੁੱਕੇ ਹਨ। ਉਨ੍ਹਾਂ ਦੇ ਗੀਤਾਂ ਨਾਲ ਜੁੜੀ ਪੀੜ੍ਹੀ ਅੱਜ ਵੀ ਉਨ੍ਹਾਂ ਦੇ ਪੁਰਾਣੇ ਗੀਤਾਂ ਨੂੰ ਉਨ੍ਹਾਂ ਹੀ ਪਿਆਰ ਨਾਲ ਸੁਣਦੀ ਹੈ।
ਤੁਸੀਂ ਦੱਸੋ, ਕੀ ਤੁਹਾਨੂੰ ਪਹਿਲਾਂ ਤੋਂ ਪਤਾ ਸੀ ਕਿ ਬੱਬੂ ਮਾਨ ਸਾਹਿਬ ਦਾ ਸਭ ਤੋਂ ਪਹਿਲਾ ਗਾਇਆ ਗੀਤ “ਤੁਰ ਪਰਦੇਸ ਗਿਉਂ” ਮੰਨਿਆ ਜਾਂਦਾ ਹੈ? ਆਪਣੀ ਰਾਏ ਜ਼ਰੂਰ ਦਿਓ।
