ਭਾਰਤੀ ਰੇਲਵੇ ਹਰ ਰੋਜ਼ ਲੱਖਾਂ ਨਹੀਂ, ਕਰੋੜਾਂ ਲੋਕਾਂ ਦੀ ਯਾਤਰਾ ਦਾ ਸਾਧਨ ਬਣੀ ਹੋਈ ਹੈ। ਇਹੀ ਵਜ੍ਹਾ ਹੈ ਕਿ ਇਸਨੂੰ ਦੇਸ਼ ਦੀ “ਜੀਵਨ ਰੇਖਾ” ਕਿਹਾ ਜਾਂਦਾ ਹੈ। ਪਰ ਟ੍ਰੇਨ ਰਾਹੀਂ ਯਾਤਰਾ ਕਰਦੇ ਹੋਏ ਸਿਰਫ਼ ਟਿਕਟ ਲੈਣੀ ਹੀ ਕਾਫੀ ਨਹੀਂ, ਸਗੋਂ ਰੇਲਵੇ ਦੇ ਨਿਯਮਾਂ ਦੀ ਜਾਣਕਾਰੀ ਅਤੇ ਪਾਲਣਾ ਵੀ ਜ਼ਰੂਰੀ ਹੈ। ਕਈ ਵਾਰ ਲੋਕ ਛੋਟੀ ਜਿਹੀ ਗਲਤੀ ਕਰ ਜਾਂਦੇ ਹਨ ਜੋ ਉਨ੍ਹਾਂ ਨੂੰ ਜੁਰਮਾਨੇ ਜਾਂ ਜੇਲ੍ਹ ਤੱਕ ਲੈ ਜਾ ਸਕਦੀ ਹੈ।
ਚੇਨ ਖਿੱਚਣ ‘ਤੇ ਹੋ ਸਕਦੀ ਹੈ ਜੇਲ੍ਹ
ਟ੍ਰੇਨਾਂ ਵਿੱਚ ਲੱਗੀਆਂ ਐਮਰਜੈਂਸੀ ਚੇਨਾਂ ਕਿਸੇ ਵੀ ਗੰਭੀਰ ਹਾਲਤ ਵਿੱਚ ਟ੍ਰੇਨ ਨੂੰ ਰੋਕਣ ਲਈ ਹੁੰਦੀਆਂ ਹਨ। ਪਰ ਦੁੱਖ ਦੀ ਗੱਲ ਇਹ ਹੈ ਕਿ ਕਈ ਲੋਕ ਮਜ਼ਾਕ, ਗੁੱਸੇ ਜਾਂ ਛੋਟੀ ਜਿਹੀ ਦੇਰੀ ਦੀ ਵਜ੍ਹਾ ਨਾਲ ਇਹ ਚੇਨ ਖਿੱਚ ਦੇਂਦੇ ਹਨ। ਇਹ ਸਿਰਫ਼ ਇੱਕ ਉਲੰਘਣਾ ਨਹੀਂ, ਸਗੋਂ ਸੈਂਕੜੇ ਯਾਤਰੀਆਂ ਦੀ ਜ਼ਿੰਦਗੀ ਨਾਲ ਖਿਲਵਾਰ ਵੀ ਹੈ।
ਰੇਲਵੇ ਐਕਟ 1989 ਦੀ ਧਾਰਾ 141 ਦੇ ਅਨੁਸਾਰ, ਜੇਕਰ ਕੋਈ ਵਿਅਕਤੀ ਬਿਨਾਂ ਵਾਜਬ ਕਾਰਨ ਦੇ ਐਮਰਜੈਂਸੀ ਚੇਨ ਖਿੱਚਦਾ ਹੈ, ਤਾਂ ਉਸ ਨੂੰ 1000 ਰੁਪਏ ਤੱਕ ਜੁਰਮਾਨਾ ਜਾਂ 1 ਸਾਲ ਤੱਕ ਦੀ ਕੈਦ ਹੋ ਸਕਦੀ ਹੈ। ਕੁਝ ਮਾਮਲਿਆਂ ਵਿੱਚ ਦੋਵੇਂ ਸਜ਼ਾਵਾਂ ਇਕੱਠੀਆਂ ਵੀ ਦਿੱਤੀਆਂ ਜਾ ਸਕਦੀਆਂ ਹਨ।
ਸੋਚੋ ਜੇ ਤੁਸੀਂ ਇੱਕ ਮਜ਼ਾਕ ਕਰਦੇ ਹੋ, ਪਰ ਕਿਸੇ ਹੋਰ ਦੀ ਜ਼ਿੰਦਗੀ ਨੂੰ ਖਤਰਾ ਪੈਦਾ ਹੋ ਜਾਂਦਾ ਹੈ…
ਇਸ ਲਈ, ਜਦੋਂ ਅਗਲੀ ਵਾਰ ਟ੍ਰੇਨ ਚੜ੍ਹੋ, ਆਪਣੇ ਸਫ਼ਰ ਨਾਲ ਨਾਲ ਆਪਣੇ ਵਰਤਾਅ ਦੀ ਵੀ ਜ਼ਿੰਮੇਵਾਰੀ ਲਵੋ। ਕਿਉਂਕਿ ਇਕ ਚੇਨ ਦੀ ਖਿੱਚ ਕਿਸੇ ਦੀ ਜਾਨ ਵੀ ਲੈ ਸਕਦੀ ਹੈ… ਜਾਂ ਬਚਾ ਵੀ ਸਕਦੀ ਹੈ।