ਗੋਇਆਸ ਰਾਜ ਦੇ ਮਿਨੇਰੋਸ ਸ਼ਹਿਰ ਦਾ ਮਾਮਲਾ
ਇੱਥੇ ਇੱਕ 19 ਸਾਲ ਦੀ ਮਹਿਲਾ ਨੇ ਕੁਝ ਸਮਾਂ ਪਹਿਲਾਂ ਜੁੜਵਾ ਬੱਚਿਆਂ ਨੂੰ ਜਨਮ ਦਿੱਤਾ। ਜਦੋਂ ਇਹ ਬੱਚੇ 8 ਮਹੀਨੇ ਦੇ ਹੋਏ, ਤਾਂ ਉਨ੍ਹਾਂ ਦਾ ਡੀਐਨਏ ਟੈਸਟ ਕਰਵਾਇਆ ਗਿਆ।
ਹੈਰਾਨੀ ਦੀ ਗੱਲ ਇਹ ਰਹੀ ਕਿ ਇੱਕ ਬੱਚੇ ਦਾ ਡੀਐਨਏ ਉਸਦੇ ਪਿਤਾ ਨਾਲ ਮੇਲ ਖਾ ਗਿਆ, ਪਰ ਦੂਜੇ ਬੱਚੇ ਦਾ ਟੈਸਟ ਨੈਗੇਟਿਵ ਆਇਆ।
ਫਿਰ ਮਹਿਲਾ ਨੂੰ ਯਾਦ ਆਇਆ ਕਿ ਉਸਨੇ ਉਸੇ ਦਿਨ ਇੱਕ ਹੋਰ ਵਿਅਕਤੀ ਨਾਲ ਵੀ ਸੰਬੰਧ ਬਣਾਏ ਸਨ। ਫਿਰ ਉਸ ਵਿਅਕਤੀ ਨਾਲ ਦੂਜੇ ਬੱਚੇ ਦਾ ਡੀਐਨਏ ਟੈਸਟ ਕਰਵਾਇਆ ਗਿਆ, ਜੋ ਕਿ ਮਿਲ ਗਿਆ। ਇਹ ਮਤਲਬ ਹੋਇਆ ਕਿ ਮਹਿਲਾ ਨੇ ਇੱਕੋ ਦਿਨ ਦੋ ਵੱਖ-ਵੱਖ ਮਰਦਾਂ ਨਾਲ ਸੰਬੰਧ ਬਣਾਏ, ਅਤੇ ਦੋਵੇਂ ਦੇ ਇੱਕ-ਇੱਕ ਬੱਚੇ ਜੁੜਵਾ ਪੈਦਾ ਹੋ ਗਏ। ਦੋਵੇਂ ਬੱਚਿਆਂ ਦੀ ਸ਼ਕਲ ਇੱਕੋ ਜਿਹੀ ਹੈ, ਪਰ ਉਨ੍ਹਾਂ ਦੇ ਡੀਐਨਏ ਵੱਖ-ਵੱਖ ਪਿਤਾਵਾਂ ਨਾਲ ਮਿਲਦੇ ਹਨ।
ਕਾਨੂੰਨੀ ਦਸਤਾਵੇਜ਼ ‘ਚ ਇੱਕ ਹੀ ਪਿਤਾ ਦਾ ਨਾਮ
ਬਚਿਆਂ ਦੇ ਪਿਤਾ ਚਾਹੇ ਦੋ ਵੱਖ-ਵੱਖ ਹੋਣ, ਪਰ ਉਨ੍ਹਾਂ ਦੇ ਜਨਮ ਪ੍ਰਮਾਣ-ਪੱਤਰ ‘ਤੇ ਇੱਕ ਹੀ ਵਿਅਕਤੀ ਦਾ ਨਾਮ ਲਿਖਿਆ ਜਾ ਸਕਦਾ ਹੈ। ਇਸ ਮਾਮਲੇ ਵਿੱਚ, ਮਹਿਲਾ ਦਾ ਇੱਕ ਹੀ ਸਾਥੀ ਦੋਵੇਂ ਬੱਚਿਆਂ ਦੀ ਦੇਖਭਾਲ ਕਰ ਰਿਹਾ ਹੈ, ਅਤੇ ਜਨਮ ਪ੍ਰਮਾਣ-ਪੱਤਰ ‘ਤੇ ਵੀ ਉਸਦਾ ਹੀ ਨਾਮ ਦਰਜ ਹੈ। ਮਹਿਲਾ ਦੇ ਇਸ ਅਨੋਖੇ ਮਾਮਲੇ ਨੂੰ ਦੇਖ ਕੇ ਡਾਕਟਰ ਵੀ ਹੈਰਾਨ ਰਹਿ ਗਏ।
ਬਹੁਤ ਦੁੱਲਭ ਹੁੰਦੇ ਹਨ ਅਜੇਹੇ ਮਾਮਲੇ
ਅਸਾਮਾਨਯ ਗਰਭ ਅਵਸਥਾ ਉੱਤੇ ਖੋਜ ਕਰ ਰਹੇ ਡਾ. ਟੁਲਿਓ ਜਾਰਜ ਫ੍ਰੈਂਕੋ ਦਾ ਕਹਿਣਾ ਹੈ ਕਿ ਦੁਨੀਆ ਭਰ ਵਿੱਚ ਹੁਣ ਤੱਕ ਕੇਵਲ 20 ਅਜਿਹੇ ਮਾਮਲੇ ਸਾਹਮਣੇ ਆਏ ਹਨ, ਜਿਨ੍ਹਾਂ ਵਿੱਚ ਜੁੜਵਾ ਬੱਚਿਆਂ ਦੇ ਪਿਤਾ ਵੱਖ-ਵੱਖ ਹੁੰਦੇ ਹਨ। ਇਸ ਹਾਲਤ ਨੂੰ ਵਿਗਿਆਨਕ ਭਾਸ਼ਾ ਵਿੱਚ heteroparental superfecundation ਕਿਹਾ ਜਾਂਦਾ ਹੈ।
ਮਹਿਲਾ ਦੀ ਡਿਲਿਵਰੀ ਕਰਨ ਵਾਲੇ ਡਾਕਟਰ ਨੇ ਦੱਸਿਆ ਕਿ ਇਹ ਉਦੋਂ ਹੁੰਦਾ ਹੈ, ਜਦੋਂ ਇੱਕ ਹੀ ਮਾਂ ਦੇ ਦੋ eggs ਵੱਖ-ਵੱਖ ਮਰਦਾਂ ਦੁਆਰਾ fertilize ਹੋ ਜਾਂਦੇ ਹਨ। ਉਨ੍ਹਾਂ ਨੇ ਇਹ ਵੀ ਦੱਸਿਆ ਕਿ ਮਹਿਲਾ ਦੀ ਗਰਭ ਅਵਸਥਾ ਬਿਲਕੁਲ ਆਮ ਰਹੀ ਅਤੇ ਦੋਵੇਂ ਬੱਚੇ ਤੰਦਰੁਸਤ ਜਨਮੇ। ਹੁਣ ਤੱਕ ਉਨ੍ਹਾਂ ਨੂੰ ਕਿਸੇ ਤਰ੍ਹਾਂ ਦੀ ਸਿਹਤ ਸੰਬੰਧੀ ਸਮੱਸਿਆ ਵੀ ਨਹੀਂ ਆਈ। ਡਾਕਟਰ ਨੇ ਕਿਹਾ ਕਿ ਅਜਿਹੇ ਮਾਮਲੇ ਬਹੁਤ ਘੱਟ ਹੀ ਦੇਖਣ ਨੂੰ ਮਿਲਦੇ ਹਨ, ਅਤੇ ਉਨ੍ਹਾਂ ਨੇ ਵੀ ਕਦੇ ਨਹੀਂ ਸੋਚਿਆ ਸੀ ਕਿ ਉਨ੍ਹਾਂ ਦੀ ਜ਼ਿੰਦਗੀ ਵਿੱਚ ਇਹੋ ਜਿਹਾ ਕੋਈ ਕੇਸ ਆਉਣਗਾ।
ਹਾਲਾਤੀ ਤੌਰ ‘ਤੇ, ਮਹਿਲਾ ਦੇ ਬੱਚੇ ਹੁਣ 1 ਸਾਲ 4 ਮਹੀਨੇ ਦੇ ਹਨ। ਇਹ ਮਾਮਲਾ ਉਦੋਂ ਸਾਹਮਣੇ ਆਇਆ, ਜਦੋਂ ਮਹਿਲਾ ਨੇ ਆਪਣਾ ਨਾਮ ਗੁਪਤ ਰੱਖਣ ਦੀ ਸ਼ਰਤ ‘ਤੇ ਡਾਕਟਰ ਨੂੰ ਇਹ ਜਾਣਕਾਰੀ ਜਨਤਕ ਕਰਨ ਦੀ ਇਜਾਜ਼ਤ ਦਿੱਤੀ।
